08.04.2025 г. начало внутреннего анализа коррупционных рисков в РГП на ПХВ «Национальный научный центр травматологии и ортопедии имени академики Батпенова Н.Д.» Министерства здравоохранения Республики Казахстан».

Академик Н.Ж. Батпенов атындағы Ұлттық ғылыми травматология және ортопедия орталығы  білім беру және тәжірибе алмасу саласында Taegu Health College (Оңтүстік Корея) - мен ынтымақтастық туралы Меморандумға қол қойды.

Осы келісім Қазақстанда оңалтуды дамытуға, физиотерапия мен эрготерапияда озық әдістемелерді енгізуге, сондай-ақ медициналық оңалту саласындағы халықаралық байланыстарды нығайтуға бағытталған.

Осы ынтымақтастық аясында ҰҒТОО-ға Taegu Health College жетекші мамандары келді:
🔹 Dr. Young-Gyun Kim, когнитивтік ғылымдар бойынша PhD, оқу директор жөніндегі директор, кәсіптік терапия кафедрасы.
🔹 Professor Gyeong-Don Kim, физиотерапия саласындағы Phd, халықаралық байланыстар тобының жетекшісі, физиотерапия кафедрасы.

Академик Н. Ж. Батпенов атындағы Ұлттық ғылыми травматология және ортопедия  орталығына Францияның даму агенттігі (ФАР) өкілдерінің делегациясы келді. Талқылаудың негізгі тақырыбы Қазақстан Республикасының Денсаулық сақтау инфрақұрылымын дамытудың 2024-2030 жылдарға арналған тұжырымдамасы шеңберінде Астанада орталықтың жаңа корпусын салу болды. Кездесу барысында орталық директоры Олжас Бекарисов ҰҒТОО қызметін таныстырып, оның бірегей мүмкіндіктерін атап өтті:
- ҰҒТОО-Орталық Азиядағы ең ірі травматология және ортопедия орталығы-мұнда өңірдің түкпір-түкпірінен пациенттер келеді.
– Жоғары технологиялық операциялар-эндопротездеу, реконструктивті және аз инвазивті араласулар.
-Қуатты ғылыми – зерттеу базасы-орталық халықаралық жобаларға қатысады және емдеудің жаңа әдістерін әзірлейді.
- Мамандарды даярлау-Қазақстандық және шетелдік дәрігерлерді оқыту, оңалтудың озық стандарттарын енгізу.

Француз тарапы орталық жұмысының клиникалық және ұйымдастырушылық аспектілеріне ерекше қызығушылық танытты, бұл медициналық мекеменің жоғары деңгейін және оның аймақ үшін стратегиялық маңыздылығын көрсетеді. Келіссөздер жалғасады және болашақта Қазақстанда травматология мен ортопедияны дамыту үшін жаңа перспективалар ашатын серіктестік болуы мүмкін.

Терең күйзеліспен хабарлаймыз: Қазақстандағы балалар хирургиясының негізін қалаушы, медицина ғылымдарының докторы, профессор, Қазақстан Республикасы Ұлттық ғылым академиясының академигі, ҚР Мемлекеттік сыйлығының лауреаты Камал Саруарұлы Ормантаев 89 жасында өмірден озды.

Камал Саруарұлы 1936 жылы Қызылорда облысында дүниеге келген. 1953 жылы Алматы мемлекеттік медицина институтының педиатрия факультетіне түсіп, еңбек ету жолын медицина саласында бастады. 1968 жылы осы институттың балалар хирургиясы кафедрасын басқарып, ғылыми мектептің негізін қалады. Кейіннен ұзақ жылдар бойы Педиатрия және балалар хирургиясы ғылыми орталығын басқарды.

Балалар хирургі ретінде жарқын еңбек жолында 20 000-ға жуық күрделі операция жасап, мыңдаған баланың өмірін сақтап қалды. Оның тәлімгерлігімен 1 500-ден астам білікті дәрігер дайындалып, олардың көбі Қазақстан мен шетелдегі жетекші мамандарға айналды.

Камал Саруарұлы балалар травматологиясы мен ортопедиясының дамуына ерекше көңіл бөлді. Оның басшылығымен осы салада жаңа диагностикалық және емдеу технологиялары әзірленіп, бұл 1999 жылы оған және әріптестеріне Қазақстан Республикасының Мемлекеттік сыйлығын әкелді.

Академик Н.Д. Батпенов атындағы Травматология және ортопедияның Ұлттық ғылыми орталығы Камал Саруарұлы Ормантаевтың отбасы мен жақындарына шын жүректен қайғырып көңіл айтады. Ұстазымыздың, ұлы балалар дәрігерінің жарқын бейнесі жүрегімізде мәңгі сақталады.