ҰҒТОО-ДА ШЕТЕЛДІК ЖЕТЕКШІ МАМА…
Академик Н.Ж.Батпенов атындағы Ұлттық ғылыми травматология және ортопедия орталығында 25 жылдыққа арналған «Пәнаралық травматология және ортопедия: диагностикадан оңалтуға дейін» халықаралық ғылыми-практикалық конференциясы аясында шетелдік жетекші мамандардың қатысуымен жоғары технологиялық көрсетілімдік операциялар өтті.
Түркиядан келген профессорлар Улунай Канатлы (Ulunay Kanatli), Акиф Мухтар Өзтүрік (Akif Muhtar Oztürk) және доцент Алим Джан Баймурат (Alim Can Baymurat) иық буынына артроскопиялық пластика, қол хирургиясындағы микрохирургиялық араласулар және бел омыртқасының жарығын UBE заманауи эндоскопиялық әдісімен алып тастау операцияларын көрсетті.
Сонымен қатар, Германиядан келген профессорлар Цайхен, Рётинген және Герингтің қатысуымен хирургиялық қолжетімділіктің баламалы тәсілдеріне арналған мастер-класс ұйымдастырылды. Оның аясында жамбас буынын эндопротездеу бойынша көрсетілімдік операция орындалды.
Мұндай мастер-кластар озық халықаралық тәжірибені клиниканың күнделікті тәжірибесіне енгізуге және жоғары технологиялық медициналық көмекті одан әрі дамытуға мүмкіндік беруде.