Н.Ж.БАТПЕНОВ АТЫНДАҒЫ ҰҒТОО-ДА…
Халықаралық ғылыми-практикалық конференция аясында өткен «Батпенов оқулары» барысында жас ғалымдар травматология және ортопедия саласындағы өздерінің ғылыми зерттеулерінің нәтижелерін таныстырды.
Арнайы қазылар алқасының шешімі бойынша жүлделі орындарға ие болғандар:
1-орын — Махметова Меруерт, Астана
«Асық жіліктің остеохондралды ақауларын хирургиялық емдеуде инъекциялық биоматериалды қолдану» тақырыбындағы баяндамасымен.
2-орын — Рашова Мадина, Қарағанды
«Созылмалы остеомиелиттің эксперименттік моделінде антибиотикпен наноцеллюлоза негізіндегі биокомпозиттің қауіпсіздігі мен тиімділігін кешенді бағалау» тақырыбындағы баяндамасымен
3-орын – Бекболатов Нұрдаулет, Үрімші
«Ясаргил атындағы оқу орталығында микрохирургияны оқыту: негіздерден бастап лоскуттарды трансплантациялауға дейінгі төрт кезеңді курс» тақырыбындағы баяндамасымен марапатқа ие болды.
Шара барысында презентациялар ағылшын тілінде дайындалып, жұмыстар қазақ, орыс және ағылшын тілдерінде қорғалды. Сондай-ақ әр баяндаманың ұзақтығы 7 минуттан аспады.
Байқау қорытындысы бойынша үздік ғылыми жұмыстар марапатталып, жүлделі орын иегерлеріне ақшалай сыйлықтар табысталды.
«Батпенов оқулары» жас ғалымдарды қолдауға, олардың ғылыми ізденістерін ынталандыруға және травматология мен ортопедия саласындағы ғылыми әлеуетті дамытуға бағытталған.